10:14 14 դեկտեմբերի 2017
Ուղիղ եթեր
Երուսաղեմ. Տիրոջ գերեզմանի եկեղեցին

Երուսաղեմի հայ պատրիարքը նամակով դիմել է Թրամփին

© Sputnik/ Н. Михальченко
Աշխարհ
Ստանալ կարճ հղումը
7130

13 պատրիարք ու Երուսաղեմի եկեղեցիների ղեկավարները զգուշացրել են Թրամփին, որ քաղաքի կարգավիճակի փոփոխումը անդառնալի վնաս կտա։

ԵՐԵՎԱՆ, 7 դեկտեմբերի – Sputnik. Երուսաղեմի Հայոց պատրիարք Նուրհան արքեպիսկոպոս Մանուկյանը` 13 պատրիարքների ու Երուսաղեմի եկեղեցիների ղեկավարների հետ միասին, զգուշացրել է ԱՄՆ նախագահ Դոնալդ Թրամփին, որ քաղաքի կարգավիճակի փոփոխությունն անդառնալի հետևանքների կունենա։

Ավելի վաղ Դոնալդ Փրամփը Ամերիկայի Միացյալ Նահանգների անունից Իսրայելի մայրաքաղաք է ճանաչել Երուսաղեմը։ Նա նաև ասել է, որ Պետական դեպարտամենտին հանձնարարական է տվել ԱՄՆ դեսպանատունը Թել Ավիվից Երուսաղեմ տեղափոխելու։

Դեռ մինչ Թրամփի ելույթը հոգևորականները նրան նամակ էին ուղարկել` կոչ անելով Երուսաղեմը որպես Իսրայելի մայրաքաղաք չճանաչել, հայտնում է «Դետալի» իսրայելական հարթակը։

«Մենք վստահ ենք, որ այդ քայլը կհանգեցնի ատելության, հակամարտության, բռնության և տառապանքների ավելացման Երուսաղեմում և Սուրբ Երկրում», – գրել էին հոգևորականները։

Դինումը ստորագրողների թվում է նաև հայ առաքելական եկեղեցու պատրիարք Նուրհան Մանուկյանը։

«Մենք անհանգստությամբ ենք հետևում այն հաղոդրագրություններին, որ Միացյալ Նահանգները կփոխի իր վերաբերմունքը Երուսաղեմի նկատմամբ։ Մեր խորհուրդը և խնդրանքն է, որ Միացյալ Նահանգները շարունակի ճանաչել Երուսաղեմի ներկայիս միջազգային կարգավիճակը: Ցանկացած հանկարծակի փոփոխություն կարող է հանգեցնել անդառնալի վնասի։ Նման քայլը մեզ ավելի կհեռացնի բաղձալի միասնականությունից ու դեպի պառակտում կտանի։ Մենք խնդրում ենք Ձեզ, պարոն նախագահ, օգնել մեզ միասին գնալ դեպի սեր ու խաղաղություն։ Երուսաղեմը բոլորին է պատկանում», – ասված է նամակում։

Թրամփին աջակցել են ԱՄՆ–ի քրիստոնյա – ավետարանչականների միությունը, նրանք պահանջել են, որ նա իր խոսքի տերը լինի ու Երուսաղեմը որպես Իսրայելի մայրաքաղաք ճանաչի։

Իսրայելում բնակվում է աշխարհի ամենաակտիվ հայկական համայնքներից մեկը։ Երուսաղեմի հին հատվածում հայերը բնակվում են հրեաների, մուսուլմանների ու բազմաթիվ այլ քրիստոնյաների կողքին։

Գլխավոր թեմաներ