ԵՐԵՎԱՆ, 19 դեկտեմբերի – Sputnik. Պաղեստինը պաշտոնապես առաջարկել է անցկացնել ՄԱԿ Գլխավոր վեհաժողովի հատուկ նստաշրջան Երուսաղեմի կարգավիճակի վերաբերյալ, հաղորդում է ՌԻԱ Նովոստին։
ՄԱԿ–ին կից Պաղեստինի հարցերով մշտական դիտորդ Ռիյադ Մանսուրը և մի շարք արաբական պետությունների ներկայացուցիչներ հանդիպել են ՄԱԿ Գլխավոր վեհաժողովի նախագահ Միրոսլավ Լայչակի հետ, երբ ԱՄՆ–ն արգելափակել է ՄԱԿ Անվտանգության խորհրդի կողմից բանաձևի ընդունումը, որը կոչ է անում չեղյալ հայտարարել Երուսաղեմն Իսրայելի մայրաքաղաք ճանաչելու մասին որոշումը։
«Մենք ցանկություն ենք հայտնել հնարավորինս արագ հանդիպում անցկացնել», –լրագրողներին ասել է Մանսուրը։
Խոսքը «Միասնություն` հանուն խաղաղության» բանաձևով արտակարգ նստաշրջանի մասին, երբ Գլխավոր վեհաժողովը կարող է կոչ անել ՄԱԿ անդամներին կոլեկտիվ միջոցներ ձեռնարկել միջազգային խաղաղությունն ու անվտանգությունը վերականգնելու համար։
