ԵՐԵՎԱՆ, 2 հոկտեմբերի – Sputnik. Հայտնի բլոգեր Նաս Դեյլին, որն այցելել էր Հայաստան և հիացմունքով լի տեսանյութեր պատրաստել մեր երկրի մասին, այսօր նորից հրապարակել է իր հին տեսանյութն ու խոսել Ադրբեջանի կողմից հրահրվող պատերազմի մասին:
«Հենց այս պահին պատերազմ է ընթանում այս երկրում, և աշխարհը լռում է այդ մասին: Այնտեղ մարդիկ իրենց կյանքն են կորցնում: Ես քաղաքական վերլուծաբան չեմ, բայց ես հնարավորություն եմ ունեցել տեսնել Հայաստանը: Եվ ես կարծում եմ, որ այս դժվարին ժամանակաշրջանում ամեն մարդ պետք է այցելի այդ երկիրը և տեսնի այնտեղի հիասքանչ մարդկանց»,–գրել է բլոգերը:
Նաս Դեյլին հույս է հայտնել, որ շուտով այս հակամարտությունը կավարտվի և խաղաղաությունը կվերադառա այս տարածաշրջան։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 2-ի ժ. 12-ի դրությամբ` հակառակորդի կրակոցների հետևանքով զոհվել են 158 զինծառայողներ և 7 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 1750 զոհ ունի, 2700 վիրավոր։
«Մենք ձեզ սնիկերս, դուք մեզ` խոցված տանկեր». աղջիկների գրությունները զինվորներին
Արցախում և Հայաստանում ռազմական դրություն և համատարած զորահավաք է հայտարարվել։
«Մենթալիտետն է բարբարոսական». գնդապետը ռուսաստանցի լրագրողի հարցին պատասխան չգտավ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել է Վարդենիսի տարածաշրջանը։ Վարդենիսում թշնամու ԱԹՍ հարվածից քաղաքացիական ավտոբուս է այրվել և մեկ խաղաղ բնակիչ զոհվել։ Եվս մեկ խաղաղ բնակիչ էլ զոհվել է Գեղարքունիքի մարզում։
Օրվա կադր. մարտադաշտից դուրս պայքար` հանուն կյանքի
