https://arm.sputniknews.ru/20210904/blinken-arart-mirzoyan-xarabax-28888841.html

Օր առաջ սկսել ԼՂ հարցով բովանդակային բանակցությունները. Բլինքենը`Արարատ Միրզոյանին

Օր առաջ սկսել ԼՂ հարցով բովանդակային բանակցությունները. Բլինքենը`Արարատ Միրզոյանին

Sputnik Արմենիա

ԱՄՆ պետքարտուղարը վերահաստատել է հանձնառությունը ՀՀ–ի հետ աշխատելու Լեռնային Ղարաբաղի հակամարտության համապարփակ և տևական քաղաքական կարգավորմանն աջակցելու... 04.09.2021, Sputnik Արմենիա

2021-09-04T12:05+0400

2021-09-04T12:05+0400

2021-09-04T12:10+0400

աշխարհ

հայաստան

արարատ միրզոյան

էնթոնի բլինկեն

լեռնային ղարաբաղ

https://cdn.am.sputniknews.ru/img/07e5/05/14/27613673_0:0:1600:901_1920x0_80_0_0_2969afc7e7156712f6819df589e0eb0d.jpg

ԵՐԵՎԱՆ, 4 սեպտեմբերի –Sputnik. Ամերիկայի Միացյալ Նահանգների պետքարտուղար Էնթոնի Բլինքենը շնորհավորական ուղերձ է հղել Արարատ Միրզոյանին՝ ՀՀ ԱԳ նախարարի պաշտոնում նշանակվելու կապակցությամբ։ Տեղեկությունը հայտնում են ՀՀ ԱԳՆ մամուլի ծառայությունից։«Միացյալ Նահանգները երկարամյա հանձնառություն ունի աջակցելու Հայաստանի ժողովրդի ժողովրդավարական ձգտումներին, և մենք ակնկալում ենք համագործակցել Ձեզ հետ՝ ընդհանուր ժողովրդավարական արժեքների վրա հիմնված առավել ամուր երկկողմ կապերի ձևավորման համար»,–ասել է Բլինքենը։Նա նշել է, որ որպես ԵԱՀԿ Մինսկի խմբի համանախագահ երկիր՝  վերահաստատում են հանձնառությունը ՀՀ–ի հետ աշխատելու Լեռնային Ղարաբաղի հակամարտության համապարփակ և տևական քաղաքական կարգավորմանն աջակցելու նպատակով։ «Խրախուսում ենք Մինսկի խմբի համանախագահության շրջանակներում օր առաջ բովանդակային բանակցությունների վերսկսումը»,–ասել է նա։Բլինքենը ընդգծել է, որ Միացյալ Նահանգները ՀՀ կառավարության գործընկերն է օրենքի գերակայության ամրապնդման, կոռուպցիայի դեմ պայքարի, ժողովրդավարական ինստիտուտների զարգացման գործում, ինչը պետք է իրականացվի մարդու իրավունքների և հիմնարար ազատությունների պաշտպանությանը զուգահեռ։«Երևանում ԱՄՆ դեսպանության թիմը պատրաստ է աջակցել Ձեզ և Ձեր կառավարությանը մեր երկու երկրների միջև ամուր կապերի պահպանման գործում: Համատեղ կարող ենք առաջ մղել Հայաստանի ինքնիշխան, ժողովրդավարական, խաղաղ և բարեկեցիկ ապագայի մեր միասնական շահերը»,–ասել է Բլինքենը:Նոր իրողություն, նոր սպառնալիքներ. ի՞նչ ունի Արցախն իր 30–ամյա հոբելյանինԱրարատ Միրզոյանն արտգործնախարար է նշանակվել օգոստոսի 19-ին` ՀՀ նախագահ Արմեն Սարգսյանի հրամանագրով։ Մինչ այդ նա ՀՀ 7-րդ գումարման Ազգային ժողովի նախագահն էր։

https://arm.sputniknews.ru/20210831/bakun-chi-katarum-xarabaxi-masin-erakoxm-haytararutyan-partavorutyunnery-28840189.html

լեռնային ղարաբաղ

2021

Լուրեր

am_HY

աշխարհ, հայաստան, արարատ միրզոյան, էնթոնի բլինկեն, լեռնային ղարաբաղ