Բակային ֆուտբոլի մրցաշար Երևանում. ինչ է սպասում ամենաաշխույժ աղջիկների և տղաների թիմերին

© Sputnik / Hovhannes ShoghikyanФутболисты ФК Noah на фестивале Noah Fest на площади Свободы (26 июля 2019). Еревaн
Футболисты ФК Noah на фестивале Noah Fest на площади Свободы (26 июля 2019). Еревaн - Sputnik Արմենիա
Բաժանորդագրվեք
Երևանում այս կիրակի առաջին անգամ կանցկացվի բակային ֆուտբոլի «պաշտոնական» մրցաշարը` մրցավարով, մրցանակային տեղերով և ժամանցային ծրագրով։

ԵՐԵՎԱՆ, 17 հոկտեմբերի –Sputnik.  Երևանում այս կիրակի, ուղիղ կեսօրին, Կասկադից քիչ հեռու գտնվող ռետինե ֆուտբոլային դաշտում կանցկացվի ֆուտբոլի առաջին բակային մրցաշարը։ Այս մասին Sputnik Արմենիա մուլտիմեդիոն մամուլի կենտրոնում ասաց «Նոահ» ՖԱ-ի մարզական տնօրեն Հայկ Հովակիմյանը:

«Մրցելու է 16 թիմ` 5-ական խաղացողով, յուրաքանչյուր խաղի համար 10 րոպե է հատկացվելու։ Որ թիմը պարտվի` դուրս կմնա մրցաշարից։ Հաղթող թիմին մենք կնվիրենք PlayStation և Fifa խաղը»,–պատմեց Հովակիմյանը։

«Նոահը» մրցաշարի մասին ավելի վաղ հայտարարել էր սոցցանցերում։  Կազմակերպիչները բոլոր ցանկացողներին կոչ էին արել գրանցվել։ Շուրջ 40 թիմ է հավաքվել, և մրցաշարը, որը նախատեսում էր 8 թիմի մասնակցություն, որոշվեց ընդլայնել մինչև 16։

Футболисты Ромы Генрих Мхитарян и Лоренцо Пеллегрини празднуют забитый гол во время футбольного матча Серии А между Ромой и Сассуоло (15 сентября 2019). Рим - Sputnik Արմենիա
Ե՞րբ Հենրիխ Մխիթարյանը կվերադառնա խաղադաշտ. արդեն ժամկետ է նշվում

Ի տարբերություն բակային «ոչ պաշտոնական» ֆուտբոլի, այս մրցաշարում պրոֆեսիոնալ մրցավար է լինելու։

«Չէ՞ որ խաղացողները երեխաներ են. որպեսզի վեճերն ու կռիվները բացառենք, մենք որոշեցինք մրցավարություն սահմանել։ «Նոահի» ֆուտբոլիստները նույնպես ներկա կգտնվեն մրցաշարին և կկարողանան ընդմիջման ժամանակ իրենց խորհուրդներով օգնել խաղացողներին, եթե դրա անհրաժեշտությունը լինի»,–ավելացրեց Հովակիմյանը։

«Նա դա անհավանական է անում». 9–ամյա տղան ֆուտբոլ է խաղում տեսողությունը կորցնելուց հետո

Մրցաշարին կարող են մասնակցել ոչ միայն տղաները, այլև աղջիկները։ Ֆուտբոլային ակումբի համար կանանց ֆուտբոլի զարգացումը նորություն չէ։ «Նոահն» ունի կանանց սեփական ակումբը, որը բավական հետաքրքիր խաղ է ցուցադրում։

Футбольный матч отборочной группы J Euro 2020 между сборными Финляндия и Армения (15 октября 2019). Турку, Финляндия - Sputnik Արմենիա
Առանց մարզչի ու մարտավարության. ինչպես Հայաստանի հավաքականը գերակատարեց պլանը

Մրցաշարի ընթացքում երկրպագուներին սպասում է ոչ միայն թեժ պայքար առաջին տեղի համար, այլև ժամանցային ծրագիր։ Երաժշտական մասը կապահովի դիջեյ Լեոն։

Ֆուտբոլ, դասեր ու սեր. 20-ամյա գյումրեցի աղջկա երազանքները

«Նոահ» ֆուտբոլային ակումբը հիմնադրվել է 2017 թվականին։ Նույն թվականին թիմը սկսել է հանդես գալ Հայաստանի առաջին լիգայում և ստացել «Արցախ» անվանումը։ 2018 թվականին «Արցախ» թիմը իրավունք վաստակեց մասնակցելու Հայաստանի պրեմիեր լիգային։ Նույն թվականի դեկտեմբերին ռուսաստանցի գործարար Կարեն Աբրահամյանը դարձավ ակումբի նոր սեփականատեր և նախագահ։  Իսկ 2019 թվականին ակումբը վերանվանվեց «Նոահ»։

Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала