Որակը նույնն է, գինը` ցածր. Հայաստանի ատոմակայանը տնտեսում է պետական միջոցները

© Sputnik / Asatur YesayantsԱտոմակայան
Ատոմակայան - Sputnik Արմենիա, 1920, 25.09.2021
Ատոմակայան
ԱԷԿ–ն արդիականացման աշխատանքների մի մասն ինքնուրույն է կազմակերպում` անցկացնելով միջազգային բաց մրցույթներ, որոնց ընթացքում գնային հայտեր են ներկայացվում մի քանի անգամ, որպեսզի ընկերությունները շահագրգռված լինեն գներն առավելագույնս իջեցնելու հարցում։
ԵՐԵՎԱՆ, 25 սեպտեմբերիSputnik. Հայկական ԱԷԿ–ը վերանորոգման աշխատանքների ժամանակ կարողացել է խնայել բյուջետային միջոցները։ Հովացման համակարգի արդիականացման առաջին մեծ մրցույթում, որը կայանն ինքնուրույն էր կազմակերպել, տնտեսվել է շուրջ 1,25 մլրդ դրամ։
Մրցույթը հայտարարվել էր ԱԷԿ–ի հիմնանորոգման շրջանակում, որը մեկնարկել է 2015 թվականին և պետք է ավարտվի 2022–ին։ 2015-2019 թվականներին աշխատանքների մեծ մասն իրականացվել է ՌԴ կառավարության միջպետական վարկի միջոցներով, ծախսերի մյուս մասը կայանը ծածկում է ՀՀ բյուջեի միջոցների հաշվին։
Կոլայի ԱԷԿ–ում - Sputnik Արմենիա, 1920, 22.09.2021
Այց ապագա. Մեծամորի ԱԷԿ–ի վաղը հնարավոր է այսօր տեսնել Կոլայի ԱԷԿ–ում
Վերանորոգման շրջանակում արդեն իսկ փոխվել են մեքենայական սրահի սարքավորումները (գեներատորներ, տուրբիններ և օժանդակ սարքավորումներ), ավտոմատիկայի բլոկը, ինչպես նաև պաշտպանության և ռեակտորի վթարային հովացման համակարգերը։ Մնում է արդիականացնել հովացման աշտարակները, ինչպես նաև կառուցել նոր բաց բաշխիչ սարքը, որտեղից արտադրված էլեկտրաէներգիան ուղարկվում է բարձրավոլտ ցանց և փոխանցվում սպառողներին։
Ինչպես արդեն հայտնել էինք, հովացման աշտարակների մրցույթն ավարտվել է, և նման ծավալի աշխատանքների համար առաջին անգամ պայմանագիրը շահել է հայկական ընկերությունը։ ՀՀ ֆինանսների նախարարության պետական գնումների կայքում հրապարակված տեղեկության համաձայն` մրցույթին մասնակցել են 8 կազմակերպություններ Հայաստանից և Ռուսաստանից։ «Մ–գրուպ» ընկերությունը հաղթել է` 4 մլրդ 116 մլն դրամ գին ներկայացնելով, ինչը նախնական գնառաջարկից 35%–ով քիչ է։
Այդպիսով, կայանը տնտեսել է մոտ 1,25 մլրդ դրամ (մոտավորապես 2,5 մլն դոլար առանց ԱԱՀ–ի, որը այսպես թե այնպես փոխանցվում է պետբյուջե)։
Տնտեսումը պետք է ապահովվի առանց որակին վնասելու, քանի որ աշխատանքներին նախկին խստությամբ կհետևեն ԱԷԿ–ի մասնագետները։
Министр Гнел Саносян посетил армянскую атомную электростанцию - Sputnik Արմենիա, 1920, 20.08.2021
«Մեր երկիրը հետպատերազմյան բարդ իրականության մեջ է». Գնել Սանոսյանն այցելել է ատոմակայան
Նմանատիպ ընթացակարգով է անցկացվում նաև նոր բաց բաշխիչ սարքի կառուցման համար նախատեսված հաջորդ խոշոր մրցույթը։ Առկա բաց բաշխիչ սարքն արդեն հնացել է, այդ պատճառով որոշվել է նոր հարթակում նորը կառուցել։ Այն ՀՀ էլեկտրացանցի խոշորագույն հանգույցներից մեկը կդառնա` ապահովելով էլեկտրաէներգիայի բաշխումն ու փոխանցումը ԱԷԿ–ից Երևան, Էջմիածին և շուրջ 10 քաղաքներ։
Այժմ Հայկական ԱԷԿ–ը մրցույթ է անցկացնում շինարարության կապալառու ընտրելու համար։ Մրցույթին մասնակցում է 9 ընկերություն Հայաստանից, Ռուսաստանից, Չինաստանից և Արաբական Էմիրություններից։ Մասնակիցներն արդեն ներկայացրել են հայտերը, ամենացածր գինն առաջարկում է արաբական ընկերությունը` 14,6 մլն դոլար։ Առաջիկայում կրկին ընտրություն կանցկացվի, որի արդյունքում կորոշվի հաղթողն ու վերջնական գինը։
Հայկական ԱԷԿ-ի հզորությունը արդիականացման արդյունքում աճել է 15 տոկոսով․ ՌԴ դեսպան
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала