Հայաստանի ու Ադրբեջանի միջև սահմանազատում դեռևս տեղի չի ունեցել. պաշտպանության փոխնախարար

© Sputnik / Aram NersesyanԱրման Սարգսյան
Արման Սարգսյան - Sputnik Արմենիա, 1920, 19.10.2021
Բաժանորդագրվեք
Արման Սարգսյանը հայտարարեց, որ լավ չէ, երբ հանրության շրջանում արդեն քննարկում են, թե որ թվականի քարտեզները պետք է հիմք ընդունվեն։
ԵՐԵՎԱՆ, 19 հոկտեմբերի - Sputnik. Հայաստանի ու Ադրբեջանի միջև սահմանազատման ու սահմանագծման պրոցես դեռևս տեղի չի ունեցել։ Այս մասին այսօր ԱԺ Պաշտպանության և անվտանգության հարցերի մշտական հանձնաժողովի նիստում հայտարարեց ՀՀ պաշտպանության փոխնախարար Արման Սարգսյանը` ի պատասխան ընդդիմադիր պատգամավորների հարցերի։
Армянский и азербайджанский посты у Сотка - Sputnik Արմենիա, 1920, 19.10.2021
Google map-ով ՀՀ-ի ու Ադրբեջանի միջև անցնող գծով ինչ–որ բան է իրականացվում. Ղազինյան
«Պետական սահմանի դեմարկացիա և դելիմիտացիա տեղի չի ունեցել, ու այդ մասին գիտեք նաև դուք։ Նույնիսկ բազմիցս հրապարակային ելույթներում նշվել է, որ Հայաստանի ու Վրաստանի միջև դեռ վերջնական սահմանազատում տեղի չի ունեցել։ Դրանք տարիներով քննարկվող ու վիճելի հարցեր են։ Հայաստանի ու Ադրբեջանի միջև սահմանազատման ու սահմանագծման պրոցես դեռևս տեղի չի ունեցել», – ասաց փոխնախարարը։
Նա նաև հայտարարեց, որ լավ չէ, երբ հանրության շրջանում նման լուրեր են տարածվում ու անգամ քննարկումներ են ընթանում, թե որ թվականի քարտեզները պետք է հիմք ընդունվեն։
Ավելի վաղ փոխվարչապետ Մհեր Գրիգորյանն էլ էր լրագրողներին հայտնել, որ տպավորությունն այն մասին, թե Հայաստանի ու Ադրբեջանի միջև սկսվել է սահմանների դեմարկացիան, սխալ է։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала