Հոլիվուդում հայտարարել են, որ Բոլդուինը խախտել է զենքի օգտագործման գլխավոր կանոնը

© AP Photo / Mark LennihanԱլեք Բոլդուին
Ալեք Բոլդուին - Sputnik Արմենիա, 1920, 24.10.2021
Բաժանորդագրվեք
Փորձագետի խոսքով՝ որպես ռեկվիզիտ օգտագործվող մարտական զենքը, անգամ եթե լիցքավորված չէ, պետք է պահել մանեկենի, այլ ոչ թե սարքավորումների, դերասանների կամ թիմի ուղղությամբ։
ԵՐԵՎԱՆ, 24 հոկտեմբերի – Sputnik. Չի կարելի զենքն ուղղել ինչ-որ մեկի ուղղությամբ՝ անկախ նրանից՝ այն լիցքավորված է, թե ոչ։ The New York Post-ին տված հարցազրույցում հայտարարել է հրազենային զենքի գծով հոլիվուդյան խորհրդատու Բրայան Քարփենթերը՝ մեկնաբանելով դերասան Ալեք Բոլդուինի մասնակցությամբ տեղի ունեցած ողբերգությունը։ Օրեր առաջ Նյու Մեքսիկոյում «Ժանգը» ֆիլմի նկարահանման ժամանակ Բոլդուինը պատահաբար սպանել էր օպերատորին ու վիրավորել ռեժիսորին։
«Խոսքեր չկան»․ Ալեք Բոլդուինը՝ նկարահանման հրապարակում կատարված ողբերգության մասին
«Երբեք ատրճանակի փողը չի կարելի պահել նրա ուղղությամբ, ում դուք չեք պատրաստվում սպանել»,- ընդգծել է փորձագետը:
Նրա խոսքով՝ անվտանգության նպատակով ամբողջ մարտական հրազենը, որն օգտագործվում է կինոարտադրության մեջ, սովորաբար ուղղվում է դեպի մանեկենը, այլ ոչ թե սարքավորումների, դերասանների կամ նկարահանող խմբի ուղղությամբ։
«Եթե նույնիսկ ատրճանակ լիցքավորված չէ, պետք է վերաբերվել այնպես, կարծես լիցքավորված լինի»,- պարզաբանել է մասնագետը:
Актер Алек Болдуин - Sputnik Արմենիա, 1920, 23.10.2021
Բոլդուինը մասնակցել է պատահաբար սպանված օպերատորի հրաժեշտի արարողությանը
Հիշեցնենք՝ հոկտեմբերի 22-ին կինոաշխարհը ցնցվեց ֆիլմի նկարահանման հրապարակում կատարված ողբերգությունից։ Նյու Մեքսիկոյում «Ժանգը» մարտաֆիլմի նկարահանման ժամանակ հոլիվուդյան դերասանը Ալեք Բոլդուինը պատահաբար սպանեց ֆիլմի օպերատորին:
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала