Կապերի ապաշրջափակման բանակցությունների ո՞ր ձևաչափն է ընդունելի․ մեկնաբանում է Զախարովան

© Sputnik / Екатерина Чеснокова / Անցնել ֆոտոբանկՄարիա Զախարովա
Մարիա Զախարովա - Sputnik Արմենիա, 1920, 28.10.2021
Բաժանորդագրվեք
Ռուսաստանի ԱԳՆ պաշտոնական ներկայացուցիչ Մարիա Զախարովան նշել է, որ անհրաժեշտ է հավատարիմ մնալ այն հայտարարություններին, որոնք նպաստում են եռակողմ պայմանավորվածությունների իրականացմանը:
ԵՐԵՎԱՆ, 28 հոկտեմբերի – Sputnik. Անդրկովկասում տրանսպորտային հաղորդակցության ուղիների ապաշրջափակման բանակցությունների ամենաօպտիմալ ձևաչափը եռակողմ աշխատանքային խումբն է՝ Ռուսաստանի, Հայաստանի և Ադրբեջանի փոխվարչապետների համանախագահությամբ։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան ամենշաբաթյա ճեպազրույցի ժամանակ՝ մեկնաբանելով Մոսկվայի դիրքորոշումը Երևանի և Բաքվի միջև, այսպես կոչված, «Զանգեզուրի միջանցքի» շուրջ տարաձայնությունների վերաբերյալ։
Մհեր Գրիգորյան - Sputnik Արմենիա, 1920, 27.10.2021
Ի՞նչ ճանապարհների հարց են քննարկում Հայաստանն ու Ադրբեջանը. պարզաբանում է Մհեր Գրիգորյանը
Զախարովան հիշեցրել է, որ արդեն ութ նիստ է կայացել այդ ձևաչափով և բոլոր կողմերը բարձր են գնահատել աշխատանքային խմբի գործունեությունը:

«Մենք ճիշտ ենք համարում հետևել հայտարարություններին և քայլերին, որոնք նպաստում են Անդրկովկասում բոլոր տնտեսական և տրանսպորտային կապերի ապաշրջափակման եռակողմ պայմանավորվածությունների իրականացմանը», - ասել է նա:

Հիշեցնենք` 2021 թվականի հունվարի 11-ին Մոսկվայում կայացավ Հայաստանի վարչապետ Նիկոլ Փաշինյանի, Ռուսաստանի նախագահ Վլադիմիր Պուտինի, Ադրբեջանի նախագահ Իլհամ Ալիևի հանդիպումը։
Գրեթե 4 ժամ տևած բանակցությունների արդյունքում ընդունվեց եռակողմ հայտարարություն, որը հիմնականում վերաբերում էր 2020-ի նոյեմբերի 9-ի հայտարարության 9-րդ՝ տարածաշրջանում բոլոր տնտեսական և տրանսպորտային կապերն ապաշրջափակելու վերաբերյալ կետի իրագործմանը։
Ալեն Միրզոյան - Sputnik Արմենիա, 1920, 06.10.2021
«Զանգեզուրի միջանցքի» թեմա չկա և չի կարող լինել. Արարատ Միրզոյան
Ըստ այդ կետի` ապաարգելափակվում են բոլոր տնտեսական և տրանսպորտային կապերը տարածաշրջանում։ Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ Տրանսպորտային այս կապը հսկում է ՌԴ ԱԴԾ սահմանապահ ծառայությունը։ Կողմերի համաձայնությամբ կառուցվելու է տրանսպորտային ուղի՝ Նախիջևանն ու Ադրբեջանի արևմտյան շրջանները իրար կապելու համար։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала