Այսօր երեկոյան արդեն հանդիպումներ կլինեն քաղաքական տարբեր ուժերի հետ․Կարին Տոնոյան

© Sputnik / Asatur Yesayants«5165» շարժման ներկայացուցիչները Կառավարության շենքի մոտ (22 նոյեմբերի, 2021թ․). Երևան
«5165» շարժման ներկայացուցիչները Կառավարության շենքի մոտ (22 նոյեմբերի, 2021թ․). Երևան - Sputnik Արմենիա, 1920, 27.11.2021
«5165» շարժման ներկայացուցիչները Կառավարության շենքի մոտ (22 նոյեմբերի, 2021թ․). Երևան. Արխիվային լուսանկար
Բաժանորդագրվեք
Շարժման անդամները որոշել են շրջել Հայաստանի բոլոր մարզերով և գյուղերով՝ համախմբելու ազգին։
ԵՐԵՎԱՆ, 27 նոյեմբերի – Sputnik․ Այսօր երեկոյան արդեն կայանալու են հանդիպումներ քաղաքական մի շարք ուժերի հետ։ Հանրապետության հրապարակում հանրահավաքի ժամանակ հայտարարեց «5165» շարժման առաջնորդ, Ազատագրական շարժման անդամ Կարին Տոնոյանը։
«Սկսում ենք բանակցությունների շարքը, որ վերադառնանք այստեղ բոլորով։ Ես այս ամբիոնից դիմում եմ նաև մեր հոգևոր առաջնորդներին, խնդրում եմ, պարտադրում ու պահանջում եմ ձեզանից՝ դուրս եկեք, առաջնորդեք ձեր ժողովրդին, եթե կաթողիկոսը չլիներ 18 թվականին, Սարդարապատ չէր լինելու, և ուրեմն մենք այստեղ ենք և վաղը գալու ենք Էջմիածին՝ ձեզ հետ հանդիպելու, հոգևոր հայրեր»,- նշեց Տոնոյանը։
Արա Զոհրաբյան - Sputnik Արմենիա, 1920, 27.11.2021
Ազատագրական շարժումը պահանջում է Նիկոլ Փաշինյանի և Արմեն Սարգսյանի հրաժարականները
Ըստ նրա՝ հաղթելու համար միայն մեկ ճանապարհ կա՝ համախմբում։ Տոնոյանի խոսքով՝ Հանրապետության հրապարակում ձևավորվելու է Հայոց համազգային համախմբման բանակը, իրենք շրջելու են Հայաստանի բոլոր մարզերով և վերադառնալու են ազգովի։
Կարին Տոնոյանը դիմեց նաև սփյուռքի մեր հայրենակիցներին՝ կոչ անելով, երբ հնչեցվեն վերադառնալու կոչնակները, գոնե 1 շաբաթով վերադառնալ հայրենիք։
«Եկեք, հաստատեք ձեր՝ հայրենիք ունենալու իրավունքը, որովհետև հայրենիքը իրավունք է, պատասխանատվություն»,- հայտարարեց Տոնոյանը։
Պաշտոնական Երևանի բացթողումը, կամ Սոչիի հայտարարության լավ և վատ կողմերը
Նշենք, որ այսօր «5165» շարժումը հայտարարություն էր տարածել, ըստ որի՝ իշխանությանը հեռացնելու օրակարգով խորհրդակցությունների շարք են սկսում քաղաքական տարբեր ուժերի, հասարակական միավորումների, անհատների հետ։
Հանրահավաքից հետո Ազատագրական շարժման նախաձեռնության անդամներն ու հանրահավաքի մասնակիցները քայլերթով շարժվեցին Երևանի փողոցներով։
Լրահոս
0
Սկզբում նորերըՍկզբում հները
loader
ԵԹԵՐՈւՄ Է
Заголовок открываемого материала