Նազարբաևը Ղազախստանի մայրաքաղաքում է. նա կոչով դիմել է քաղաքացիներին
11:28 08.01.2022 (Թարմացված է: 11:54 08.01.2022)
Բաժանորդագրվել
Ղազախստանի նախկին նախագահը խորհրդակցություններ է անցկացնում և ուղիղ կապի մեջ է Տոկաևի հետ։
ԵՐԵՎԱՆ, 8 հունվարի – Sputnik. Ղազախստանի նախկին նախագահ Նուրսուլթան Նազարբաևը քաղաքացիներին կոչ է անում միավորվել գործող նախագահ Կասիմ-Ժոմարտ Տոկաևի շուրջը` ներկա մարտահրավերները հաղթահարելու ու երկրի ամբողջականությունը պահպանելու համար։ Նախկին նախագահի մամուլի քարտուղար Այդոս Ուկիբայն այդ մասին գրել է Twitter–ի իր էջում։
Также у Нурсултана Назарбаева состоялось несколько телефонных разговоров с главами дружественных Казахстану государств.
— Aidos Ukibay (@Aidos_Ukibay) January 8, 2022
Елбасы призывает всех сплотиться вокруг Президента Казахстана для преодоления текущих вызовов и обеспечения целостности нашей страны.
«Նազարբաևը գտնվում է Ղազախստանի մայրաքաղաքում։ Խնդրում ենք կեղծ և սադրիչ տեղեկություններ չտարածել։ Նա մի շարք խորհրդատվական հանդիպումներ է անցկացնում և անմիջական կապի մեջ է Ղազախստանի նախագահ Կասիմ Ժոմարտ Տոկաևի հետ»,– նշել է Ուկիբայը։
Елбасы находится в столице Казахстана городе Нур-Султане. Просим не распространять заведомо ложную и спекулятивную информацию. Елбасы проводит ряд консультативных встреч и находится на прямой связи с Президентом Казахстана Касым-Жомартом Токаевым.
— Aidos Ukibay (@Aidos_Ukibay) January 8, 2022
Ըստ մամուլի քարտուղարի` Նազարբաևը նաև հեռախոսազրույցներ է ունեցել բարեկամ երկրների ղեկավարների հետ։
Նշենք, որ 30 տարի Ղազախստանը ղեկավարած Նազարբաևը 2019թ–ին հրաժարական էր ներկայացրել` հայտարարելով, որ քաղաքականությունից չի հեռանում։ Նա պահպանել էր իշխող «Նուրոտան» կուսակցության առաջնորդի, ինչպես նաև Ղազախստանի անվտանգության խորհրդի նախագահի պաշտոնը: Բացի այդ, նա մինչ օրս կրում է «ազգի առաջնորդի» տիտղոսը։
78-ամյա Նազարբաևի հրաժարականից հետո Ղազախստանի նախագահի պարտականությունները ստանձնել էր ղազախական խորհրդարանի վերին պալատի՝ Սենատի խոսնակ Կասիմ-Ժոմարտ Տոկաևը։
2022թ–ին Ղազախստանում սկսված բողոքների ֆոնին հունվարի 5–ին Ղազախստանի նախագահ Կասիմ-Ժոմարտ Տոկաևը հայտարարել էր, որ ինքը Նուրսուլթան Նազարբաևին փոխարինելու է Անվտանգության խորհրդի նախագահի պաշտոնում:
Ավելի ուշ լուրեր տարածվեցին, որ Նազարբաևն ու նրա ընտանիքի անդամները հատուկ չվերթերով հեռացել են Ղազախստանից։
Հիշեցնենք` Ղազախստանում բողոքի զանգվածային ցույցեր էին սկսվել 2022 թվականի հունվարի առաջին օրերին։ Հունվարի 4–ին և 5-ին Ալմաթիում բախումներ էին տեղի ունեցել ցուցարարների և ուժայինների միջև։ Ոստիկանները կիրառել էին գազ և խլացուցիչ նռնակներ։
Հունվարի 5-ին Ղազախստանի նախագահ Կասիմ-Ժոմարտ Տոկաևը երկրում երկշաբաթյա արտակարգ դրություն է մտցրել։ Նա օգնության համար դիմել է Հավաքական անվտանգության պայմանագրի կազմակերպությանը։
ՀԱՊԿ-ը իրավիճակը կայունացնելու համար խաղաղապահ զորախումբ է ուղարկել Ղազախստան, որոնց թվում 100 զինծառայող կա Հայաստանից։
