Դատավոր Բորիս Բախշիյանը կալանքի տակ կմնա ևս 1 ամիս

© Photo : official site of the President of RAԴատավոր Բորիս Բախշիյան նախագահական նստավայրում երբդման արարողության ժամանակ (8 հուլիսի, 2020թ). Երևան
Դատավոր Բորիս Բախշիյան նախագահական նստավայրում երբդման արարողության ժամանակ (8 հուլիսի, 2020թ). Երևան - Sputnik Արմենիա, 1920, 30.03.2022
Բաժանորդագրվեք
Yandex newsTelegram
Փաստաբանը վստահ է, որ իր պաշտպանյալը կալանավորված է մնում միայն այն բանի համար, որ անկախ և անաչառ է գործել։
ԵՐԵՎԱՆ, 30 մարտի – Sputnik. Սյունիքի մարզի ընդհանուր իրավասության դատարանի դատավոր Բորիս Բախշիյանի կալանքը երկարացվել է ևս 1 ամսով։ Տեղեկությունն իր ֆեյսբուքյան էջում հայտնել է նրա պաշտպան Արսեն Սարդարյանը։
«Քննիչի միջնորդությունը դատավոր Ալեքսանյանի կողմից բավարարվեց մասնակի՝ դատավոր Բորիս Բախշիյանի նկատմամբ կիրառված խափանման միջոցը կալանավորումը երկարացվեց 1 ամիս ժամկետով: Այս գործով դեռևս որևէ դատավոր ի զորու չի եղել իրականացնել արդարադատություն»,– նշել է Սարդարյանը։
Նրա խոսքով` դատավոր Բախշիյանը շարունակում է կալանքի մնալ տակ ակնհայտ անհիմն մեղադրանքով, առանց որևէ հիմքի` միայն նրա համար, որ գործել է անկախ և անաչառ, չենթարկվելով ներքին և արտաքին ճնշումներին:
Փաստաբանի պնդմամբ` այս գործն անօրինականությունների բնույթով և ծավալով աննախադեպ է քաղաքակիրթ պետությունների պատմության մեջ:
Հիշեցնենք, որ Սյունիքի մարզի ընդհանուր իրավասության դատարանի դատավոր Բորիս Բախշիյանը կալանավորվել է փետրվարի 7-ին։ Դրանից հետո պաշտպանները միջնորդություն էին ներկայացրել, որպեսզի խափանման միջոց կալանքը փոխվի։
Հավելենք, որ Բախշիյանը Սիսական ջոկատի հրամանատար Աշոտ Մինասյանի (Աշոտ Երկաթ) գործը քննող դատավորն էր։ Նրա որոշմամբ Մինասյանը կալանքից ազատվեց հունվարի 26-ին։
Դատավորի դեմ քրեական հետապնդում իրականացնելու գործընթաց է սկսվել ՀՀ քրեական օրենսգրքի 348-րդ հոդվածի 3-րդ մասի (անձին ապօրինի կալանավորելու հատկանիշներով, որն առաջացրել է ծանր հետևանք) հատկանիշներով հարուցված քրգործի շրջանակում։
Երևանի ընդհանուր իրավասության դատարանը փետրվարի 16-ին մերժել էր Բորիս Բախշիյանի նկատմամբ ընտրված խափանման միջոց կալանավորումը գրավով փոխարինելու միջնորդությունը։
Լրահոս
0