https://arm.sputniknews.ru/20231116/baqun-hrazharvel-e-hhi-ev-adrbejani-ag-nakhararneri-vashingtvonjan-handipumic-68688071.html
Բաքուն հրաժարվել է ՀՀ–ի և Ադրբեջանի ԱԳ նախարարների վաշինգտոնյան հանդիպումից
Բաքուն հրաժարվել է ՀՀ–ի և Ադրբեջանի ԱԳ նախարարների վաշինգտոնյան հանդիպումից
Sputnik Արմենիա
Ադրբեջանի ԱԳՆ–ի պնդմամբ` ԱՄՆ–ն իր գործողություններով վնասում է տարածաշրջանի երկրների տրանսպորտային անվտանգության ջանքերը։ 16.11.2023, Sputnik Արմենիա
2023-11-16T15:19+0400
2023-11-16T15:19+0400
2023-11-16T18:59+0400
հայաստան
ադրբեջան
ամն
արարատ միրզոյան
ջեյհուն բայրամով
https://cdn.am.sputniknews.ru/img/07e6/07/10/45342205_0:12:1028:591_1920x0_80_0_0_73bda449712cfb24211e014d66e4d14e.jpg
ԵՐԵՎԱՆ, 16 նոյեմբերի – Sputnik. Բաքուն հրաժարվել է նոյեմբերի 20-ին Վաշինգտոնում Հայաստանի և Ադրբեջանի արտգործնախարարներ Արարատ Միրզոյանի և Ջեյհուն Բայրամովի հանդիպումից: Տեղեկությունը հայտնում են ադրբեջանական ԶԼՄ–ները` հղում անելով Ադրբեջանի ԱԳՆ–ին։Նշենք, որ ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ'Բրայենը նոյեմբերի 15-ին Լեռնային Ղարաբաղի վերաբերյալ լսումների ժամանակ հայտարարել էր, որ Վաշինգտոնը դադարեցրել է ռազմական և այլ օգնության տրամադրումը Բաքվին, չեղարկել է մի շարք բարձր մակարդակի այցելություններ և ազդարարել, որ մինչև Երևանի հետ բանակցություններում առաջընթաց չգրանցվի, երկկողմ հարաբերությունների կարգավորում չի լինի:Գերատեսչությունն ընդգծել է նաև, որ Ադրբեջանի դռները փակ են ամերիկացի բարձրաստիճան պաշտոնյաների համար, իսկ Օ'Բրայենի մեկնաբանություններն անվանել է «միակողմանի և կողմնակալ», ինչպես նաև «անարդյունավետ, անհիմն և անընդունելի»:Անդրադառնալով Բաքվի համար ռազմական օգնությունը դադարեցնելու մասին հայտարարությանը՝ ԱԳՆ-ն ընդգծել է, որ ամերիկյան կողմն ինքն է ժամանակավորապես դադարեցրել «Ազատության աջակցության ակտի» 907-րդ լրացման գործողությունը (ըստ այդ լրացման՝ ԱՄՆ կառավարությանն արգելվում էր օգնություն ցուցաբերել Ադրբեջանի պաշտոնական կառույցներին, դրա գործողությունն ամեն տարի կասեցվում էր 2002 թվականից. խմբ), երբ 2001 թվականի սեպտեմբերի 11-ի ահաբեկչություններից հետո Ադրբեջանը սատարել էր ահաբեկչության դեմ պայքարում Միացյալ Նահանգների ջանքերին:«Ստացվում է, որ ԱՄՆ-ն միշտ ժամանակավոր է համարել Ադրբեջանի աջակցությունը, սակայն չպետք է մոռանալ, որ պատմությունը կարող է կրկնվել», - ասված է հաղորդագրության մեջ:Նշվում է նաև, որ Միացյալ Նահանգները՝ որպես արտատարածաշրջանային երկիր, իր գործողություններով և հայտարարություններով խաթարում է տարածաշրջանի երկրների՝ տրանսպորտային անվտանգության ապահովման ջանքերը: «Հայաստանը չի կատարել 2020 թվականի եռակողմ հայտարարության 9-րդ կետից բխող իր պարտավորությունները, ինչը դրդել է Ադրբեջանին որոշում կայացնել այլընտրանքային ճանապարհների կառուցման վերաբերյալ։ Ադրբեջանի սուվերեն իրավունքն է պայմանավորվել հարևան երկրների հետ, թե ինչպես կառուցել հաղորդակցություններ, ինչը ներառում է նաև Իրանի հետ դեպի Նախիջևանի Ինքնավար Հանրապետություն երթուղու մասին համաձայնագիրը: Այս ֆոնին Ադրբեջանը հաստատում է «3+2» (Ադրբեջան-Հայաստան-Թուրքիա-Ռուսաստան-Իրան) ձևաչափի գերակայությունը տարածաշրջանում անվտանգության ապահովման համար», - նշել է Ադրբեջանի ԱԳՆ-ն:Հիշեցնենք` ՀՀ ԱԳՆ մամուլի խոսնակ Անի Բադալյանը սեպտեմբերին հայտարարեց, որ ՀՀ արտաքին գործերի նախարար Արարատ Միրզոյանի և Ադրբեջանի արտաքին գործերի նախարար Ջեյհուն Բայրամովի միջև երկկողմ հանդիպում չկա օրակարգում։Հոկտեմբերի 23–ին Թեհրանում «3+3» ձևաչափով (առանց Վրաստանի) հանդիպում կայացավ արտգործնախարարների մակարդակով։ Ձևաչափը նախատեսում էր Ռուսաստանի, Իրանի, Հայաստանի, Ադրբեջանի, Թուրքիայի և Վրաստանի մասնակցությունը, սակայն Թբիլիսին հայտարարեց, որ չի մասնակցի նախաձեռնությանը։ՌԴ–ն պատրաստ է օգնել ադրբեջանա-հայկական սահմանի դելիմիտացիայի հարցում. ԼավրովԱվելի ուշ հայտնի դարձավ, որ Թեհրանում կայացած հանդիպմանը Հայաստանի ու Ադրբեջանի արտաքին գործերի նախարարների միջև ոչ պաշտոնական շփում է եղել։
ադրբեջան
ամն
Sputnik Արմենիա
media@sputniknews.com
+74956456601
MIA „Rosiya Segodnya“
2023
Sputnik Արմենիա
media@sputniknews.com
+74956456601
MIA „Rosiya Segodnya“
Լուրեր
am_HY
Sputnik Արմենիա
media@sputniknews.com
+74956456601
MIA „Rosiya Segodnya“
https://cdn.am.sputniknews.ru/img/07e6/07/10/45342205_71:0:984:685_1920x0_80_0_0_41c046a7649bddfba9a126b1248ea26c.jpgSputnik Արմենիա
media@sputniknews.com
+74956456601
MIA „Rosiya Segodnya“
հայաստան, ադրբեջան, ամն, արարատ միրզոյան, ջեյհուն բայրամով
հայաստան, ադրբեջան, ամն, արարատ միրզոյան, ջեյհուն բայրամով
Բաքուն հրաժարվել է ՀՀ–ի և Ադրբեջանի ԱԳ նախարարների վաշինգտոնյան հանդիպումից
15:19 16.11.2023 (Թարմացված է: 18:59 16.11.2023) Ադրբեջանի ԱԳՆ–ի պնդմամբ` ԱՄՆ–ն իր գործողություններով վնասում է տարածաշրջանի երկրների տրանսպորտային անվտանգության ջանքերը։
ԵՐԵՎԱՆ, 16 նոյեմբերի – Sputnik. Բաքուն հրաժարվել է նոյեմբերի 20-ին Վաշինգտոնում Հայաստանի և Ադրբեջանի արտգործնախարարներ Արարատ Միրզոյանի և Ջեյհուն Բայրամովի հանդիպումից: Տեղեկությունը հայտնում են ադրբեջանական ԶԼՄ–ները` հղում անելով Ադրբեջանի ԱԳՆ–ին։
Նշենք, որ ԱՄՆ պետքարտուղարի Եվրոպայի և Եվրասիայի հարցերով օգնական Ջեյմս Օ'Բրայենը նոյեմբերի 15-ին Լեռնային Ղարաբաղի վերաբերյալ լսումների ժամանակ
հայտարարել էր, որ Վաշինգտոնը դադարեցրել է ռազմական և այլ օգնության տրամադրումը Բաքվին, չեղարկել է մի շարք բարձր մակարդակի այցելություններ և ազդարարել, որ մինչև Երևանի հետ բանակցություններում առաջընթաց չգրանցվի, երկկողմ հարաբերությունների կարգավորում չի լինի:
«Կարևոր է նշել, որ այս պայմաններում մենք հնարավոր չենք համարում Վաշինգտոնում Ադրբեջանի և Հայաստանի արտգործնախարարների մակարդակով հանդիպում անցկացնելը։ ԱՄՆ-ն տարածաշրջանային երկիր չէ, իր գործողություններով և հայտարարություններով վնասում է տարածաշրջանի երկրների տրանսպորտային անվտանգության ջանքերը»,– հայտարարել է Ադրբեջանի ԱԳՆ–ն։
Գերատեսչությունն ընդգծել է նաև, որ Ադրբեջանի դռները փակ են ամերիկացի բարձրաստիճան պաշտոնյաների համար, իսկ Օ'Բրայենի մեկնաբանություններն անվանել է «միակողմանի և կողմնակալ», ինչպես նաև «անարդյունավետ, անհիմն և անընդունելի»:
Անդրադառնալով Բաքվի համար ռազմական օգնությունը դադարեցնելու մասին հայտարարությանը՝ ԱԳՆ-ն ընդգծել է, որ ամերիկյան կողմն ինքն է ժամանակավորապես դադարեցրել «Ազատության աջակցության ակտի» 907-րդ լրացման գործողությունը (ըստ այդ լրացման՝ ԱՄՆ կառավարությանն արգելվում էր օգնություն ցուցաբերել Ադրբեջանի պաշտոնական կառույցներին, դրա գործողությունն ամեն տարի կասեցվում էր 2002 թվականից. խմբ), երբ 2001 թվականի սեպտեմբերի 11-ի ահաբեկչություններից հետո Ադրբեջանը սատարել էր ահաբեկչության դեմ պայքարում Միացյալ Նահանգների ջանքերին:
«Ստացվում է, որ ԱՄՆ-ն միշտ ժամանակավոր է համարել Ադրբեջանի աջակցությունը, սակայն չպետք է մոռանալ, որ պատմությունը կարող է կրկնվել», - ասված է հաղորդագրության մեջ:
Նշվում է նաև, որ Միացյալ Նահանգները՝ որպես արտատարածաշրջանային երկիր, իր գործողություններով և հայտարարություններով խաթարում է տարածաշրջանի երկրների՝ տրանսպորտային անվտանգության ապահովման ջանքերը: «Հայաստանը չի կատարել 2020 թվականի եռակողմ հայտարարության 9-րդ կետից բխող իր պարտավորությունները, ինչը դրդել է Ադրբեջանին որոշում կայացնել այլընտրանքային ճանապարհների կառուցման վերաբերյալ։ Ադրբեջանի սուվերեն իրավունքն է պայմանավորվել հարևան երկրների հետ, թե ինչպես կառուցել հաղորդակցություններ, ինչը ներառում է նաև Իրանի հետ դեպի Նախիջևանի Ինքնավար Հանրապետություն երթուղու մասին համաձայնագիրը: Այս ֆոնին Ադրբեջանը հաստատում է «3+2» (Ադրբեջան-Հայաստան-Թուրքիա-Ռուսաստան-Իրան) ձևաչափի գերակայությունը տարածաշրջանում անվտանգության ապահովման համար», - նշել է Ադրբեջանի ԱԳՆ-ն:
Հիշեցնենք` ՀՀ ԱԳՆ մամուլի խոսնակ
Անի Բադալյանը սեպտեմբերին հայտարարեց, որ ՀՀ արտաքին գործերի նախարար Արարատ Միրզոյանի և Ադրբեջանի արտաքին գործերի նախարար Ջեյհուն Բայրամովի միջև երկկողմ հանդիպում չկա օրակարգում։
Հոկտեմբերի 23–ին Թեհրանում «3+3» ձևաչափով (առանց Վրաստանի) հանդիպում կայացավ արտգործնախարարների մակարդակով։ Ձևաչափը նախատեսում էր Ռուսաստանի, Իրանի, Հայաստանի, Ադրբեջանի, Թուրքիայի և Վրաստանի մասնակցությունը, սակայն Թբիլիսին հայտարարեց, որ չի մասնակցի նախաձեռնությանը։
Ավելի ուշ հայտնի դարձավ, որ Թեհրանում կայացած հանդիպմանը Հայաստանի ու Ադրբեջանի արտաքին գործերի նախարարների միջև
ոչ պաշտոնական շփում է եղել։