08:32 22 հուլիսի 2019
Ուղիղ եթեր
  • USD476.48
  • GBP596.79
  • EUR535.52
  • RUB7.56
Նիկոլ Փաշինյան

Նիկոլ Փաշինյանը պատասխանեց Սաշիկ Սարգսյանի քրեական գործի մասին հարցին

© Sputnik / Aram Nersesyan ,
Հայաստան
Ստանալ կարճ հղումը
36221

ՀՀ վարչապետն անդրադարձավ ՀՀ նախկին նախագահ Սերժ Սարգսյանի եղբոր` Ալեքսանդր Սարգսյանի` պետությանը 30 մլն դրամ փոխանցելու խոստմանը։

ԵՐԵՎԱՆ, 6 մարտի — Sputnik. Ինձ հայտնի չէ դեպք, երբ ինչ-որ մեկը վճարում է արել և ազատվել պատասխանատվությունից։ Այսօր ԱԺ–ում, պատասխանելով «Լուսավոր Հայաստան» խմբակցության պատգամավոր Արման Բաբաջանյանի հարցին, ասաց ՀՀ վարչապետ Նիկոլ Փաշինյանը։

Պատգամավորը Փաշինյանին հարց ուղղեց, թե ինչո՞վ է պայմանավորված, որ ՊԵԿ նախկին նախագահ Արմեն Ավետիսյանը պետությանը հյուրանոց նվիրելուց հետո ազատվում է պատասխանատվությունից, կամ Սերժ Սարգսյանի եղբայր Ալեքսանդր Սարգսյանը` 30 մլն դոլար է նվիրում պետությանն ու հանգիստ ազատություն վայելում Իսպանիայում։

«Ես կարող եմ մի բան ասել` ձեր ասած շրջանակի ոչ մի մարդ, ում մեղավորությունը վերջում կապացուցվի ՀՀ օրենսդրությամբ սահմանված կարգով, պատասխանատվությունից չի խուսափի»,– ասաց Փաշինյանը։

Վարչապետը հիշեցրեց, որ օրենքով նախատեսված դեպքեր կան, երբ թաքցված գումարը վերադարձնողն ազատվում է պատասխանատվությունից։

Փաշինյանը կրկնեց, որ ժողովրդից թալանվածը կոպեկ առ կոպեկ վերադարձնելու են։

Հիշեցնենք` ՀՀ ԱԱԾ–ն այսօր Sputnik Արմենիային հայտնել էր, որ ՀՀ նախկին նախագահ Սերժ Սարգսյանի եղբայր Ալեքսանդր (Սաշիկ) Սարգսյանին որոշ ժամանակով թույլատրել են լքել Հայաստանը։

Թե ուր է մեկնել Սարգսյանը, ԱԱԾ–ն չի հայտնում, բայց ըստ որոշ լրատվամիջոցների` նա մեկնել է Իսպանիա։

Ալեքսանդր Սարգսյանը Հայաստանում մեղադրվում է առանձնապես խոշոր չափերի խարդախության մեջ։

Ավելի վաղ Sputnik Արմենիայի հարցմանն ի պատասխան ԱԱԾ–ից հայտնել էին, որ Ալեքսանդր Սարգսյանն իր կամքով 19 600 000 ԱՄՆ դոլար է նվիրաբերել Արցախի Հանրապետության պաշտպանության բանակին։

ՀՀ մաքսային պետական կոմիտեի նախկին նախագահ Արմեն Ավետիսյանն էլ քրեական գործի նախաքննության շրջանակներում դիմել է համապատասխան մարմիններին` Ծաղկաձորում գտնվող իրեն պատկանող «Գոլդեն Փելես» հյուրանոցը պետությանը նվիրելու համար։

Սերժ Սարգսյանի եղբայրը 30 միլիոն դոլար կվերադարձնի բյուջե. Նիկոլ Փաշինյան

Ըստ թեմայի

Որևէ մեկը չի պլստալու. Փաշինյանը խոսեց Սերժ Սարգսյանի եղբորը ձերբակալելու մասին
Սերժ Սարգսյանի թոռներն էլ են դիվանագիտական անձնագիր ունեցել. ցանկը հրապարակվեց
Փաշինյանը խոստացել է չմիջամտել ՀՀ նախկին նախագահ Սերժ Սարգսյանի եղբոր դեմ հարուցված գործին
Ալեքսանդր Սարգսյանը պետությանը 18.5 մլն դոլար է տվել. մնաց մնացածը
ԱԱԾ–ն գործողություններ է իրականացնում Ալեքսանդր (Սաշիկ) Սարգսյանի տանը. լուսանկարներ
Սաշիկ Սարգսյանի որդին առերես հարցաքննվել է. նա կասկածվում է սպանության փորձ կատարելու մեջ
թեգերը:
Նիկոլ Փաշինյան, Հայաստան

Գլխավոր թեմաներ