08:24 08 ապրիլի 2020
Ուղիղ եթեր
  • USD499.37
  • GBP614.92
  • EUR543.06
  • RUB6.62
Տնտեսություն
Ստանալ կարճ հղումը
159 0 0

Փաշինյանը նշել է, որ կառավարության ծրագրային դրույթներից է Հայաստանի արտահանելի ճյուղերի և մշակող արդյունաբերության զարգացումը:

ԵՐԵՎԱՆ, 31 օգոստոսի-Sputnik. Աջակցության ցանկացած ծրագիր իրականացնելիս նախ պետք է համոզվել, որ այդ աջակցությունն իսկապես նպաստում է, որ ոլորտները ոչ միայն զարգանան ու առավել մրցունակ դառնան:

Այս մասին այսօր ասել է ՀՀ վարչապետ Նիկոլ Փաշինյանը արտահանողների, նաև տնտեսության տարբեր ճյուղերում գործունեություն ծավալող գործարարների հետ հանդիպման ժամանակ, տեղեկանում ենք կառավարության մամուլի ծառայությունից։

Իր խոսքում վարչապետը նշել է, որ կառավարության ծրագրային դրույթներից է Հայաստանի արտահանելի ճյուղերի և մշակող արդյունաբերության զարգացումը: «Եթե մենք չհաշվարկված քայլեր անենք, որոնք չեն նպաստում ընդհանուր բարեկեցությանը, ընդհուպ պետական բյուջեի եկամուտների դիվերսիֆիկացմանը, արդյունքում ստիպված կլինենք հետ կանգնել այդպիսի ծրագրերից, որոնք ավելի շատ վնասներ կբերեն, քան օգուտ»,- իր ելույթում նշել է Փաշինյանը:

Նա նաև անդրադարձել է շինարարության ոլորտում աջակցությանը՝ մտահոգություններ հայտնելով անշարժ գույքի շուկայում ստեղծված իրավիճակի մասին, երբ պահանջարկն ավելանում է, իսկ առաջարկը՝ ոչ, և արդյունքում գների շատ էական աճ է նկատվում:

«Մենք մեր համագործակցությամբ պետք է կարողանանք շուկան այնպես բալանսավորել, որ առաջարկի և պահանջարկի ճիշտ հաշվեկշիռ ունենանք, որպեսզի շուկայում ցնցումներ չլինեն»,- ասել է նա:

Հայաստանում ովքեր և ինչու են բնակարան վաճառում. Փաշինյանը գրառում է արել

Վարչապետը կարևորել է, որ մշակող արդյունաբերությունը զարգանա և դառնա տնտեսության հենասյուներից մեկը: Նա նաև անդրադարձել է  բարձր տեխնոլոգիաների և ռազմարդյունաբերության, ինչպես նաև տուրիզմի զարգացմանը՝ վերջինս ևս դիտարկելով որպես արտահանման մի ճյուղ:

Ըստ թեմայի

Ավետիսյան. «Անշարժ գույքի գների աճին նպաստել են ներգաղթի մասին պաշտոնյաների խոսքերը»
Փաշինյանն ասաց, գները բարձրացա՞ն. ինչ է իրականում կատարվում անշարժ գույքի շուկայում
Ապրիյան. «Պետությունն անշարժ գույքի ոլորտում վարել է ճիշտ քաղաքականություն»
թեգերը:
Անշարժ գույք, բնակարանաշինություն, բնակարան, շենք, Ներդրում, Նիկոլ Փաշինյան, Հայաստան

Գլխավոր թեմաներ