07:19 19 սեպտեմբերի 2020
Ուղիղ եթեր
  • USD485.26
  • GBP629.67
  • EUR574.98
  • RUB6.46
Քաղաքականություն
Ստանալ կարճ հղումը
96 0 0

Ալեն Սիմոնյանն Ազգային ժողովում լրագրողների հետ զրույցում անդրադարձել է ԲՀԿ ղեկավարի` հանրահավաք անելու հայտարարությանը։

ԵՐԵՎԱՆ, 7 սեպտեմբերի - Sputnik. Ազգային ժողովի փոխնախագահ Ալեն Սիմոնյանը միայն ուրախ կլինի, եթե «Բարգավաճ Հայաստանը» գնա մինչև վերջ, ինչպես խոստանում է կուսակցության ղեկավարը։ Սիմոնյանը խորհրդարանում լրագրողների հետ զրույցում նման կարծիք հայտնեց` անդրադառնալով ԲՀԿ ղեկավար Գագիկ Ծառուկյանի՝ մեծ հանրահավաք անցկացնելու, ինչպես նաև ԲՀԿ–ականների`«մինչև վերջ գնալու» հայտարարություններին։

«Կարո՞ղ եմ իմանալ` իսկ ուր են գնալու մինչև վերջ։ Թող մինչև վերջ գնան` ես միայն ուրախ կլինեմ։ Մենք էլ, ի վերջո, կտեսնենք` ինչ է կատարվում քաղաքական դաշտում, և քաղաքական դաշտի բյուրեղացում տեղի կունենա»,–ասաց Սիմոնյանը։

Նրա խոսքով` քաղաքական դաշտում մինչև վերջ չգնալու այլընտրանք որևէ մեկն այսօր չունի, քանի որ իշխանությունը սակարկումների չի գնում և չի գնալու։ Ուստի, ըստ Սիմոնյանի, շահարկումները, թե «մեզ կանգնեցնել չի լինի և այլն», տեղին չեն, քանի որ որևէ մեկին չեն էլ ուզում կանգնեցնել։

Գումար բաժանելը ճիշտ չէ. Խաչատրյանը Ծառուկյանի առաջարկն իրատեսական չի համարում

Հիշեցնենք, որ ԲՀԿ առաջնորդ Գագիկ Ծառուկյանն օգոստոսի 28-ին հայտարարել էր` խորհրդարանի առաջիկա նստաշրջանին ընդառաջ հանդիպումների շարք է սկսել կուսակցության տարածքային կառույցների ներկայացուցիչների հետ։ Նա հայտնել էր նաև մեծ հանրահավաք անցկացնելու մասին։

ԱԱԾ-ն հունիսի 14-ին խուզարկություն իրականացրեց Գագիկ Ծառուկյանի առանձնատանը: Ավելի ուշ հայտնի դարձավ, որ նրա դեմ 3 քրեական գործ է հարուցվել ապօրինի ձեռնարկատիրական գործունեության, ընտրակաշառք բաժանելու և հողատարածքների օտարման փաստերով։

Գագիկ Ծառուկյանը հեռանու՞մ է քաղաքականությունից. Իվետա Տոնոյանը գրառում է արել

Ըստ թեմայի

Գագիկ Ծառուկյանի տան խուզարկության ժամանակ սկանդալային միջադեպ է տեղի ունեցել. «Ժողովուրդ»
Արդյոք նախագահ կդառնա Կոլյան, որին Գագիկ Ծառուկյանը կոնյակի տակառ էր նվիրել. տեսանյութեր
Գագիկ Ծառուկյանի բացակայությունը չի խանգարի. ե՞րբ կլինի կալանքի մասին որոշումը
Գագիկ Ծառուկյանի գործով բողոքների քննությունը հետաձգվեց
թեգերը:
Բարգավաճ Հայաստան կուսակցություն (ԲՀԿ), հանրահավաք, Գագիկ Ծառուկյան, Ալեն Սիմոնյան, Հայաստան

Գլխավոր թեմաներ