20:30 25 հուլիսի 2021
Ուղիղ եթեր
  • USD483.42
  • GBP664.12
  • EUR568.89
  • RUB6.57
Քաղաքականություն
Ստանալ կարճ հղումը
29401

ԼՀԿ–ն չեղարկել է կուսակցության համագումարը. Էդմոն Մարուքյանը նշում է` նախընտրական աշխատանքները կասեցրել են Սյունիքի սահմանին տեղի ունեցող դեպքերի պատճառով։

ԵՐԵՎԱՆ, 14 մայիսի - Sputnik. Առաջին ուժը, որը հայտարարել է` Նիկոլ Փաշինյանին և Ռոբերտ Քոչարյանին վարչապետ դարձնելու կոալիցիա չի կազմի, «Լուսավոր Հայաստանն» է։ Sputnik Արմենիա մուլտիմեդիոն մամուլի կենտրոնում կայացած ասուլիսի ժամանակ հայտնեց «Լուսավոր Հայաստան» կուսակցության ղեկավար Էդմոն Մարուքյանը` անդրադառնալով լուրերին, որ ընտրություններից հետո ընդդիմադիրները հնարավոր է` միավորեն իրենց ուժերը։

«Հիմա այն ուժերը, որոնք ուզում են Քոչարյանին վարչապետ դարձնել, ասում են` եկեք հուշագիր ստորագրենք, որ Փաշինյանին բացառում ենք։ Մենք էլ ասում ենք` թող ստորագրեն, որ Հայաստանը հետ չեն տանի, այսինքն` նախկին որևէ լիդերի չեն բերի իշխանության գլուխ։ Ուժերը, որոնք ուզում են բացառել Փաշինյանին, պետք է հասկանան` իրենք նույնպես բացառված են»,–ասաց Մարուքյանը։

Նա հայտնեց նաև, որ ԼՀԿ–ն չեղարկել է կուսակցության վաղվա համագումարը. Մարուքյանի խոսքով` նախընտրական աշխատանքները, ըստ էության, կասեցրել են Սյունիքի սահմանին տեղի ունեցող դեպքերի պատճառով։

Անդրադառնալով ԼՀԿ ցուցակներին` Մարուքյանը նշեց` հարցը կորոշվի համագումարի ժամանակ, սակայն իրենց ցուցակում կներառեն նաև որոշ անհատների։

Հիշեցնենք, որ հունիսի 20-ին Հայաստանում ԱԺ արտահերթ ընտրություններ են նախատեսված։

Ըստ թեմայի

Չեմ բացառում, որ ռազմական դրություն հայտարարվի, ընտրությունը չեղարկվի. Նաիրա Զոհրաբյան
Սերժ Սարգսյանի և Քոչարյանի շահերից է բխում, որ ՀԱԿ-ը մասնակցի ընտրություններին․ «Հրապարակ»
4 «օրենքով գողի» ազատություն է տրվել` ընտրությունների վրա ազդեցություն ունենալու համար
թեգերը:
Նիկոլ Փաշինյան, Էդմոն Մարուքյան, Ընտրություններ, Հայաստան

Գլխավոր թեմաներ