Խոսքի ազատության պաշտպանության կոմիտեն, Երևանի մամուլի ակումբը և Մեդիա նախաձեռնությունների կենտրոնը դեռ անցյալ տարվա հուլիսին պատրաստել էին «Հեռուստատեսության և ռադիոյի մասին» նոր օրենքի նախագիծ և հանձնել ԱԺ պրոֆիլային հանձնաժողովին:
Ըստ Մելիքյանի՝ վերոհիշյալ երեք կազմակերպությունները մեծ հաշվով ակնկալում էին, որ այդ նախագիծը կդրվեր խորհրդարանական քննարկումների հիմքում, սակայն ընդամենը մի քանի օր առաջ տեղեկացան, որ օրինագիծը չի քննարկվելու, այլ ներկայացվելու են գաղափարներ՝ նոր օրենք ստեղծելու վերաբերյալ:
Սերիալներն անտանելի են. Լեզվի կոմիտեի նախագահը պատմեց, թե ինչ է լսել էկրանից
«Նման օրակարգով տեղին չէր խորհրդարանական լսումներ անցկացնել, որովհետև կոնկրետ փաստաթուղթ չկար, իսկ գաղափարները, մոտեցումները քննարկելու համար կլոր սեղանն էլ բավական էր»,- Sputnik Արմենիայի հետ զրույցում նշեց նա:
Sputnik–ը կրկին կգործի Լիտվայում. Հեռուստատեսության և ռադիոյի հանձնաժողովը հանել է արգելքը
Մելիքյանի փոխանցմամբ՝ իրենք շատ լավ պատկերացնում էին հնարավոր հակազդեցության հանգամանքը, այդ թվում`նաև շահառուների կողմից, որովհետև ստեղծված միջավայրը, որը ձևավորվել է տասնամյակներ շարունակ, ձեռնտու է լրատվամիջոցներից շատերին: Հայտնի է, թե հեռուստաընկերությունները ինչպիսի մրցույթներում են ստացել հեռարձակման արտոնագրեր, մինչդեռ լիցենզավորման ընթացակարգերը, ըստ Մելիքյանի, վաղուց արդեն իրենց դարն ապրել են:
