10:26 26 հոկտեմբերի 2020
Ուղիղ եթեր
  • USD494.01
  • GBP646.41
  • EUR585.25
  • RUB6.47
Տնտեսություն
Ստանալ կարճ հղումը
421 0 0

Էկվադորը Հայաստան բանանի մատակարարումների ծավալով առաջին տեղն է զբաղեցնում։ Այժմ արտադրությունն ու արտահանումը վտանգված են հրաբխի ակտիվության պատճառով։

ԵՐԵՎԱՆ, 23 սեպտեմբերի – Sputnik. Էկվադորում Սանգայ հրաբխի ակտիվությունն ազդում է այդ երկրում արտադրվող բանանի որակի վրա և հանգեցնում 25%-ով արտահանման կրճատման, հայտնում է El Comercio թերթը` հղում անելով արտադրողներին և արտահանողներին։

Էկվադորը բանանի խոշորագույն արտահանողն է աշխարհում։ Նրա հիմնական շուկաներն են Ռուսաստանը, Եվրոպան և Մերձավոր Արևելքը։ Էկվադորի բանանները մատակարարվում են նաև Հայաստան։

Մասնավորապես, Էկվադորը Հայաստան բանանի մատակարարումների ծավալով առաջին տեղն է զբաղեցնում։ ՊԵԿ–ի մաքսային ծառայության տվյալներով՝ 2018 թվականին Հայաստան ներմուծված 22 858 տոննա բանանից 21 027 տոննան ներմուծվել է Էկվադորից։ 2019 թվականին իրավիճակը չի փոխվել։

Աշխարհի մյուս ծայրում հայտնված հայը. ինչն է գերել Տիգրան Տեր-Մինասյանին Էկվադորում

2019 թվականի առաջին կիսամյակում ներմուծված շուրջ 11 հազար տոննա բանանից 9 951 տոննան նույնպես Էկվադորից է, մնացած մասը` Թուրքիայից, Իրանից, Կոստա -Ռիկայից և Ռուսաստանից։

Էկվադորի գյուղատնտեսության նախարարությունը հայտնել էր, որ վերջերս Սանգայ հրաբխից մոխրի արտանետումների պատճառով տարբեր աստիճանի վնասվել է 83 հազար հա հող, այդ թվում՝ բանան արտադրող գավառների տարածքում։

Էկվադորի Բանանի տարածաշրջանային կորպորացիայի (Agroban) փոխնախագահ Իվան Կաբրերայի խոսքով` գյուղացիների կորուստները տարբեր կլինեն։ Նրանք, ովքեր հատուկ ծածկոցներ են օգտագործել, որոնք պաշտպանում են միջատներից և այլ վնասատուներից, ավելի քիչ կկորցնեն, մյուսները կզրկվեն բերքի ավելի քան 25%–ից։

«Արտադրողներն արդեն հայտնում են յուրաքանչյուր բերքից 25% կորստի մասին», – նշում է պարբերականը` հղում անելով Բանան արտահանողների ասոցիացիայի ղեկավար Մարիանելյու Ուբիլյուին։ Սակայն թվերը կարող են փոխվել։

Այժմ գյուղացիները ստուգում են, թե արդյո՞ք պտուղների վրա հրաբխային մոխրի հետքեր չեն մնացել։

Ըստ թեմայի

Վայելիր ու մնա նիհար․ 3 դիետիկ քաղցրավենիք, որոնք չեն գիրացնի ձեզ
Ամանորի սեղանները կարող են մնալ առանց բանանի. որքանով է անվտանգ Հայաստան ներկրվողը
Ներմուծում և արտահանում. ինչ է փոխել կորոնավիրուսը
թեգերը:
Հայաստան, Էկվադոր, Բանան

Գլխավոր թեմաներ