21:31 01 դեկտեմբերի 2020
Ուղիղ եթեր
  • USD506.98
  • GBP676.92
  • EUR607.41
  • RUB6.66
Արցախ
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (590)
714 0 0

Ավինյանի խոսքով` եռակողմ հայտարարությունը ստորագրվել է Ստեփանակերտը, Ասկերանը, Մարտունին փրկելու համար։ Նա նշեց, որ Ստեփանակերտի անկումն արդեն ոչ թե օրերի, այլ ժամերի հարց էր։

ԵՐԵՎԱՆ, 10 նոյեմբերի – Sputnik. Ռուսաստանն արել է առավելագույնը, ինչը կարող էր։ Հանրային հեռուստաընկերության եթերում այսպիսի հայտարարություն արեց ՀՀ փոխվարչապետ Տիգրան Ավինյանը։

«Ռուսաստանի գործառույթները փոխկապակցված չեն օրվա իշխանությունների հետ։ Ռուսաստանը ԵԱՀԿ Մինսկի խմբի անդամ է, ղարաբաղյան հարցով միջնորդ երկիր, և այդ շրջանակում Ռուսաստանը`որպես Հայաստանի դաշնակից, վստահեցնում եմ ձեզ, արել է առավելագույնը, ինչն իրեն կարող էր թույլ տալ»,–ասաց փոխվարչապետը։

Ավինյանի խոսքով` եռակողմ հայտարարությունը ստորագրվել է Ստեփանակերտը, Ասկերանը, Մարտունին փրկելու համար։ Վերջին չորս ամսում Թուրքիայի միջնորդությամբ Ադրբեջանում կուտակված ռազմական տեխնիկայի քանակը հայկական ռազմական գործիչների գնահատականների ուղեծրից դուրս է եղել, և այդ ծավալի հարձակումը կանխատեսելի չի եղել:

«Զինված ուժերը կատարել են իրենց խնդիրները, և այն խնդիրները, որոնք ունեցել են զինված ուժերը, քաղաքական իշխանությունը, ՏԻՄ-երը, մարզպետարանները փորձել են աջակցել և լուծել՝ լինի տեխնիկայով, համապատասխան սարքավորումների ներկրմամբ և այլն: Այսինքն` այստեղ պահանջարկը ներկայացրել են ԶՈւ-ն և ասել են, թե ինչ խնդիրներ պետք է կատարվեն: Բոլոր մնացած մարմիններն աջակցել են ԶՈւ-ին ամեն կերպ։ Գուցե փոքր որոշումներով փոքր հարցեր ավելի լավ լուծվեին, բայց էական ոչինչ չէր կարող փոխվել», – ասել է Ավինյանը։

Շատերն առաջնագծում անգամ ադրբեջանցու չեն տեսել. եղել են հրետանու և ԱԹՍ–ների հարվածների տակ։

«ԱԹՍ–ն գալիս և հարվածում է. դու ո՛չ ձայն ես լսում, ո՛չ մի բան։ Վերջին կես վայրկյանին ես նկատում։ Մարտերին մասնակցած բոլորը գիտեն դա։ Թշնամու` որպես այդպիսին, շատերը չեն տեսել։ Սա այլ որակի պատերազմ էր», – ասել է Ավինյանը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար ծանր, չափազանց ծանր որոշում է կայացրել:

Նա նշել էր, որ Ռուսաստանի և Ադրբեջանի նախագահների հետ ղարաբաղյան պատերազմը նոյեմբերի 10-ի ժամը 01.00-ից դադարեցնելու հայտարարություն է ստորագրել, շեշտելով, որ այդ որոշումը կայացրել է ռազմական իրադրության խորը վերլուծության և այդ իրադրությանն ամենալավ տիրապետող մարդկանց գնահատականի արդյունքում, նաև հիմնվելով այն համոզմունքի վրա, որ ստեղծված իրավիճակում սա հնարավոր ամենալավ հանգուցալուծումն է:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Կրակը դադարեցվում է. ինչի տակ են ստորագրել Փաշինյանը, Պուտինն ու Ալիևը

Նոյեմբերի 10-ի ժամը 13։30-ի դրությամբ` հայկական կողմից զոհվել են 1302 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։

«Ո՞ւր է այդ...». քաղաքացիները ջարդել են դռներն ու մտել ՀՀ կառավարության շենք. տեսանյութ

թեմա:
Իրադրությունը Հայաստանում և Արցախում հայտարարության ստորագրումից հետո (590)

Ըստ թեմայի

Ղարաբաղում Ռուսաստանի խաղաղապահ զորախումբը բաղկացած է լինելու 1960 զինծառայողներից. ՌԴ ՊՆ
Ռուսաստանը հրապարակեց եռակողմ հայտարարության պաշտոնական փաստաթուղթը
Ռուսաստանը 07:00-ից կսկսի խաղաղապահների տեղակայումը Լեռնային Ղարաբաղում․ ՌԴ ՊՆ
թեգերը:
Ղարաբաղյան հակամարտություն, Տիգրան Ավինյան, Ռուսաստան

Գլխավոր թեմաներ